හිරු පායන විට

හිරු පායන විට හිරු සමඟින් නමදින්නම්
සදු පායන විට සදු සමඟින් නමදින්නම්
සිතේ අගුණ දුරු කරන් ඇවිත් නමදින්නම්
හිරුත් සදුත් නැති වුනත් ලොවේ නමදින්නම්

දුක දැනෙනා කල දුක සමඟින් නමදින්නම්
සැප විඳිනා කල සැප සමඟින් නමදින්නම්
ගතේ දුබල කම් අරන් ඇවිත් නමදින්නම්
දුකයි සැපයි පිරි මිනිස් ලොවේ නමදින්නම්

ගී ගයනා විට ගී සමඟින් නමදින්නම්
වෙණ වයනා කල වෙණ සමඟින් නමදින්නම්
සමිදු විමානේ ලැඟම් අරන් නමදින්නම්
නැටුම් ගැයුම් ගෙන බැතින් පිරි නමදින්නම්