සුර දූත කථා

සුර දූත කථා අසන මෙදා ගොපලු දරුවනේ
සුර ජේසු පුතා උපත ලබා ඛෙත්ලෙහෙමේ දී
රළු පිදුරු ගොඩේ ඔරුව තුළේ නිදනු පෙනේ දැන්
තිර ලකුණු මෙන්න හදුන ගන්න ගමන යන්න දැන්

ඔබ පිබිඳ ගන්න පඩුරු ගන්න බිය නොවන්න දැන්
ගොස් වැඳ පුදන්න දණ නමන්න තෙද බලන්න නම්
ඒ සුර බිළිදුන් වෙව්ලනවා සීතලෙන් වගේ
ලොව ගලව ගන්න ආ කුමරා හිඟන්නකු වගේ

අති උසම තැන්හි දෙවිසුරන්ට මහිමය වේවා
මේ මෙලොව ඉන්න සුසිත් දනට සාමය වේවා
බෝ රංචු රංචු අහස පුරා ගීත ගයනවා
ඒ ඇත්ත සොයා අසල් ගමට අපි දැන් යනවා

අර බැබලෙන මඩුවක් දැක්කද සුර පුර පරදා
දැන් යමු බලන්න එතැනදෝ ඒ කුමරුන් ඉපිදා
මරි මව් තම පුත් කුමරු ඔතා පුනවා ඔරුවෙ දා
දැන් ගොපලුන් එතුමන් පිදුවා සුරවරු පරදා