සැලෙන හදින්
සැලෙන හදින් මා තනියම වැලි කතරක් මැද
පා නගන්න බැහැ තනියම ඝන අදුරක් මැද
රෑ අදුරෙ මා තනි වී පාළු බිමක් මැද
මේ අදුරෙ ඔබ එනවද මගෙ දෙවි සමිඳේ
කතර සරා වෙහෙස වෙලා සොය සොයා යමී
අදුර සිඳින පහන් එළිය සොයා මම යමී
පහන් දවන හිමි සෙවනේ දිවිය ගෙවනෙමී
ගමන පාළු නැහැ සමිදුනි ඔබ කැටුව එමී
මාරගයද ඇත්ත ද ජීවනය මම වෙමී
ඔබ තෙපලූ වදන් අසා ඔබ සොයා එමී
ජීවිතයට ආලෝකය ඔබයි කිතු හිමී
අදුරෙ දිලෙන පහන් සිළුව ඔබ මගේ දෙවී
අදුර බිඳන් එළිය අරන් ඔබ එනු දිටිමී
පාළු ගතිය තනිය මකන් ඔබ ගුණ ගයමී
මිනිස් හදත් එළිය කලෝ ඔබ බව දනිමී
පහන දවන් එළිය අරන් ඔබ කරා එමී