ලොවේ පහස

ලොවේ පහස ඔබ ලබනට මත්තෙන්
මව් කුසයේ ඔබ සිටිනා සමයේ
මම ඔබ තෝරා පත්කර ගත්තෙමි
මා දෙසනා දම් දහර දෙසන්නට

මා අණ කරනා සැමතැන යන්නට
මා අණ කරනා සැමදෙ දෙසන්නට
සැලෙනු එපා බියගෙන හද පත්ලෙන්
මම ඔබ අතගෙන එමි ඔබ සමගින්

දුබල වුවන්හට සැනසුම දෙන්නට
රෝගි වූ සැමදෙන සුවපත් කරනට
දිරිගෙන ඉදිරි බලා එනු පුතුනේ
මම ඔබ අතගෙන එමි ඔබ සමගින්

පැටලුනු දිව ඔඛෙ දිග හරවන්නට
සැලෙන හදවතේ දිරිය ගෙනෙන්නට
මුළු ලොව හමුවේ නොසැලි සිටින්නට
මම ඔබ අතගෙන එමි ඔබ අබියස

නෙත් අඳ අයගේ නෙත් පාදන්නට
වැසුනු සවන් යලි පාදා දෙන්නට
දිළිදුන් වෙතගොස් දහම දෙසන්නට
මම ඔබ අතගෙන එමි ඔබ සමඟින්