අරලිය නාමල්
අරලිය නාමල් නොපිපෙද්දී
අතු අග පලතුරු වියලෙද්දී
තෙල් දැරුමට තල බියවෙද්දී
බලාපොරොත්තුව තබා සිටිම්
සමිදුනි ඔබ මැ කෙරෙ
මගේ සවිය ඔබ වේ
කෙත්වතු අස්වනු නොම දෙද්දී
වන සිව්පාවුන් රජ වෙද්දී
හරක බාන මගෙ නැතිවෙද්දී
බලාපොරොත්තුව තබා සිටිම්
සමිදුනි ඔබමැ කෙරෙ
මගේ සවිය ඔබ වේ
යන මග තව තව රළු වෙද්දී
එහා තෙරක් මට නොපෙනෙද්දී
ගතේ සවිය මගේ පිරිහෙද්දී
බලාපොරොත්තුව තබා සිටිම්
සමිදුනි ඔබමැ කෙරෙ
මගේ සවිය ඔබ වේ